reham elkastawy Admin
عدد المساهمات : 1921 نقاط : 4711 تاريخ التسجيل : 03/03/2009
| موضوع: الفرق بين شباب 1930 و شباب 2009 الخميس 05 نوفمبر 2009, 2:38 am | |
| *الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه. دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيـــــــــــــــــــــــــــــ ــى
*خروج الولد وموعد رجوعه البيت
زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري. دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .
*دخول الاب البيت
زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه. دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.
*نزول الولد لشراء احتياجات البيت
زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر! دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!
*نزول المرأة للعمل
زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!
| |
|
M7md S3d عضو فعال
عدد المساهمات : 365 نقاط : 402 تاريخ الميلاد : 07/01/1992 تاريخ التسجيل : 04/05/2009 العمر : 32
| موضوع: رد: الفرق بين شباب 1930 و شباب 2009 الخميس 05 نوفمبر 2009, 3:04 am | |
| بس فى ناس حتى الان لسا فى ال mood ده لسا من زمن جدنا | |
|
اسلام ابراهيم غريب مشرف على قسم ركن الرياضة
عدد المساهمات : 285 نقاط : 303 تاريخ الميلاد : 10/04/1993 تاريخ التسجيل : 26/10/2009 العمر : 31
| موضوع: رد: الفرق بين شباب 1930 و شباب 2009 الخميس 05 نوفمبر 2009, 4:26 am | |
| والله الميس رهام بتختار مواضيع ملموسة بس دلوقتى الشباب نضجت وبقت تعرف تعتمد على نفسها | |
|
boos Moderator
عدد المساهمات : 276 نقاط : 348 تاريخ الميلاد : 07/09/1991 تاريخ التسجيل : 05/03/2009 العمر : 32 الموقع : بتنا
| موضوع: رد: الفرق بين شباب 1930 و شباب 2009 الجمعة 06 نوفمبر 2009, 3:13 am | |
| | |
|
mohammed_hmmad Admin
عدد المساهمات : 15166 نقاط : 25305 تاريخ الميلاد : 22/05/1966 تاريخ التسجيل : 17/04/2009 العمر : 57
| موضوع: رد: الفرق بين شباب 1930 و شباب 2009 الجمعة 06 نوفمبر 2009, 5:45 am | |
| انتى تعبانة اوى الله يكون فى عونك | |
|
reham elkastawy Admin
عدد المساهمات : 1921 نقاط : 4711 تاريخ التسجيل : 03/03/2009
| موضوع: رد: الفرق بين شباب 1930 و شباب 2009 الجمعة 06 نوفمبر 2009, 2:06 pm | |
| ماتشغلش بالك انت فترة وتعدي وبعدين انت عارفني عمري ما كنت ضعيفة وان شاء الله هقدر اكمل على كل الجبهات اللي بحارب فيها في نفس الوقت بس انت ادعيلي | |
|
mohammed_hmmad Admin
عدد المساهمات : 15166 نقاط : 25305 تاريخ الميلاد : 22/05/1966 تاريخ التسجيل : 17/04/2009 العمر : 57
| موضوع: رد: الفرق بين شباب 1930 و شباب 2009 الجمعة 06 نوفمبر 2009, 10:21 pm | |
| ربنا ييسر لكى الامور دنيا واخرى
فكم أمر تساء به صباحآ وتتربص بنفسك ريب المنون وتأتيك المسرة من قبل العشى ، واذا بقارع الأمر لمس حنون | |
|
hema2010 عضو نشيط
عدد المساهمات : 179 نقاط : 231 تاريخ الميلاد : 18/04/1993 تاريخ التسجيل : 30/10/2009 العمر : 31 الموقع : WWW.mohamedbahaa.hisforum.NET
| موضوع: رد: الفرق بين شباب 1930 و شباب 2009 الجمعة 13 نوفمبر 2009, 8:00 am | |
| على فكره الكلا م دة لحد الان فى بعض الاسر وانا منهم قبل وفاة والدى انا كنت اتحرج اقول على مصروف والان نفس الحكايه مع والدتى فى كل الى اتقال مش فى المصروف بس مشكورة على الموضوع الجميل دة يا ميس رهام انتى بجد بتجيبى مواضيع جميله | |
|
ahmed emam مشرف ضحك X ضحك
عدد المساهمات : 573 نقاط : 780 تاريخ الميلاد : 06/02/1993 تاريخ التسجيل : 26/10/2009 العمر : 31
| موضوع: رد: الفرق بين شباب 1930 و شباب 2009 الثلاثاء 24 نوفمبر 2009, 8:51 pm | |
| | |
|