ساحكى الطريق من المنظور المشترك بين طلبة كلية الهندسة
1- انت تكون مجتهدا فى مجال الرياضيات بالاخص لان هذه الكليه تعتمد بشكل اساسى عليها بهذا ستتمكن للوصول الى الحلول هذا ليس معناه انك لازم تكون من اوائل الطلبة عشان تدخل الكلية ودا من علامات حبك لكلية الهندسة
2-المذاكرة مش لازم تكون 14 ساعة زى ماكنت متخيل دى بتعتمد على كل شخص انا اعرف زميل فى كلية الاداب كان علمى فى سنة تانية كان بيذاكر جامد جدا وفى مرة اكتشفت انه ببيذاكر غلط (بيحفظ مسائل الرياضة تخيلوا )
3-لازم تدى نفسك حقها يعنى كل ساعة مذاكرة ريح 10 دقايق
4- تنظيم السنة : من وجهه نظرى
4-1 ان اول السنة لغاية شهر 12 يكفى ان تذاكر اللى بتاخده وشوية مسائل زيادة
4-2 وفى اجازة نص السنة حاول ان تلم المنهج عشان دى اخر فرصة ليك فى نص السنة)
4-3 بعد شهر 3 حتلاقى نفسك دخلت فى دوامت المراجعات واروح عند فلان ولا فللان ومش حتخلص الا قبل الامتحانات باسبوع ولا اتنين ونصيحة ماتشتتش نفسك عند مدرسين كتير اثبت على واحد من اول السنة تكون ارتحت له ( مش لازم يبقى مشهور)
4-4 اول ماتبدى المراجعات نظم وقتها عشان ماتخرجش الامور عن السيطرة ( لو كانت اول امتحان عربى يبقى الافضل ان اخر مراجعه قبل الامتحانات بفترة قريبة تكون العربى وابتدى مراجعات المواد التانية f,e,رياضة,... قبل العربى وجهز ورق اللى حتذاكر منه ليالى الامتحانات) ممكن اثناء اخر مراجعه وهيا العربى انك تغير نشاط تفكيرك شوية بدل ماانت قاعد بتحفظ وتسمع النصوص وتبص مجرد نظرة على المواد التانية (المواد اللى فيها تفكير زى الرياضة عشان ماتزهقك ايام مراجعات العربى)
4-5 اثناء الامتحانات ماتسهر اكتر من معدلك الطبيعى ( لوانت بتنام 11 يبقى ليلة الامتحان لازم تنام 11 لان بعد كدا بيكون على حساب وقت وتركيز الامتحان ) وتاكل كويس جدا لان الابحاث قالت ان عشان اى شخص يركز لازم ياكل كويس ومايسهرش ايام الامتحان
شوفتوا الطريق بسيط ازاى ومش محتاج ناس بنظارات كعب كوباية ولا مذاكرة 25 ساعة على راى ابو حفيظة وفى الاول والاخر لازم تدى نفسك حقها شوية رياضة او تغيير جو بالخروج مع الاصدقاء
ابن المدرسة احمد حمدى 2002
السبت 20 فبراير 2010, 4:16 pm
